جاري تحميل ... الأهرام نيوز

رئيس التحرير: محمد عبدالعظيم عليوة

مدير التحرير: د.مجدي مرعي

رئيس التحرير التنفيذي: عبدالحليم محمد

نائب رئيس التحرير: د.الحسن العزاوي

أخبار عاجلة

إعلان في أعلي التدوينة

رياضةمقالات

الأهلي وصن داونز.. تحليل سليمان النقر

الأهلي قدم مباراة كبيرة على مدار الشوطين خاصة الشوط التاني، يمكن كان فيه حالة تسرع وتشتت في الشوط الأول بسبب اثار الهزيمة بخمسة ده غير أن موسيماني كان دارس الأهلي كويس ومش مديله فرصة يحضر كويس..
أداء جيد جدا من ثنائي الدفاع متولي وياسر وكانوا من نجوم المباراة لأنهم عرفوا يتعاملوا مع سرعات لعيبة صن داونز وكشف لعبة الاختراق من العمق في ضهر قلبي الدفاع أو الكرة المرسلة من نص الملعب في ضهر الدفاع..
السولية وديانج أدوا الأهلي الأفضلية في وسط الملعب ومعاهم أفشة اللي عمل واحدة من احسن مبارياته وكانت تنقصه دقة التصويب على المرمى..
ثنائية اجايي ومعلول دائما بتصنع الفارق لأنهم حافظين بعض كويس وبيعرفوا يعملوا جملة مكتملة يخترقوا بيها دفاع المنافسين..
مروان محسن عمل مباراة جيدة جدا سواء في التعامل مع العرضيات أو محاولة التسديد ولكن وجود بادجي مفيدة اكتر لأنه عنده ميزة بيعرف يتعامل في المساحات الضيقة وبيحط المدافع في ضهره ودي بتميزه عن مروان..
فايلر نجح أنه يفتح الملعب بعرضه على اقصاه عشان يوجد حلول فنية ويفتح ثغرات ويتغلب على التمركز الجيد للعيبة صن داونز.
كمان فايلر تصرف صح لما لعب دفاع متقدم كعادته عشان يصعبها على لعيبة صن داونز في بناء وتحضير هجمة من نص ملعبهم وده حد من خطورتهم بشكل كبير واجبرهم يلعبوا على رمي الكورة في ضهر المدافعين..
الأهلي استفاد من لعب مباراة الذهاب على أرضه بعكس السنة اللي فاتت لعب الذهاب خارج أرضه..
فرصة الأهلي في الصعود كبيرة جدا بشرط يقفل الأطراف بطريقة احسن من النهاردة بحيث ينزل اجايي والشحات عشان يعملوا التغطية الدفاعية مع فتحي ومعلول ويأمن العمق كويس بالسولية وديانج وافشة..
الوسوم:

ليست هناك تعليقات:

إرسال تعليق

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *