بما اننا هنختبر الـ VAR بكرة..
-الحكم بس هو اللي بيروح على الشاشة وغير مخول للسادة المسئولين في المدرجات مشاركته في الفرجة علشان ده مش تاكسي السهرة..
-مش معنى ان جبت جول واحتفلت واتنطتت والحكم لغى الجول ان قليل البخت يلاقي العضم في الكرشة..
-افتكر ان الكوع اللي بتشغله زي بطن رجلك مع كل اللاعيبة خلاص بان وانكشف .. خد بالك
-لو وقعت جوا منطقة الجزاء ومثلت في الدقيقة 94 متروحش تتشملل اوي ع الحكم وتقوله شوف الفيديو علشان هيرجع يرزعك انذار علشان خيالك ميودكش ان الاريال ممكن يكون اتهز في اللحظة دي..
-في قرارات بعد ما بتتشاف في الفيديو الحكام بيغلطوا فيها برضه وده بيحصل في كل مكان حتى في البريميرليج .. ده مش معناه ان الحكم بالضرورة مرتشي وكان بيتعشى امبارح في بحة مع مسئول المنافس..
-تقنية الفيديو معمولة علشان تزود العدالة، بس بالنسبة للحكم اللي بيحب الكاميرا متسيبهوش .. وحياة ابوك ما تعطل اللعب كل شوية علشان تاخد اللقطة واحنا هنحط صورتك على تيشرتات الجماهير..
-لم تكتشف حتى الان بشكل رسمي وجود علاقة بين السحر وتقنية ال VAR ..
ليست هناك تعليقات:
إرسال تعليق