كانوا فاكرين هزيمتي سهلة .. اصلهم جهلة ..
وإزاي يهزموا قلب عاند الموت سنين وعاند الفقد والحرمان على مدار الأيام .. قولولي ازاي فاكرين أنكم قادرين على كسر واحد داخل على عشرين سنه بيحارب ومن كتر الجروح اللي على جسمه نسي شكله كان عامل ازاي وفي الغالب بطلع الجاني في قصصهم ومش ببرأ نفسي من اي اتهام بس الدفوع اللي عندي ممكن تقطع ورقهم وترميه في الزبالة وعشان انا ساكت ومش بتكلم زيهم الناس افتكرتهم حقيقة وهم خيال افتكروا الناس عدم وجودي ضعف وهو قوة افتكروا عدم ردي قلة حيلة وهو تجاهل .انا غلطت غلط كبير لما اديتهم الامان عشان عمري ما خونت في الخصام ولا اتكلمت بعد الملام لان هو ده انا وهو ده اللي اتعلمته في رحلة جنوني وبرده مش عاوزين يسيبوني مش قادرين يستوعبوا ان حكايتهم بتنتهي بعدم الرد .. لا بجد انتوا كنتوا فاكرين ايه فاكرين ان وجعي بالساهل فاكرين ان جرحي علامته هتعدي بالساهل لا مش بالساهل .. الوقت الاستثنائي محتاج موقف زيه محتاج صبر على الاتهام عشان الحقيقة هتبان مع الأيام هتبان في كلامهم قبل اي كلام وبكره جاي في عمرنا وهنكبر بالرغم من كل ده احنا نستاهل حياه احسن من كده نستاهل ناس عندها شرف الخصام لان دي الحاجه الوحيدة اللي هتصبرنا على الأيام اللي عشناها معاهم وهتعمل مننا ناس قادرة تحب من جديد .
ليست هناك تعليقات:
إرسال تعليق