بشكل رسمي وللأسف إيطاليا أعلنت إيقاف الدوري بسبب فيروس كورونا اللي قتل ٤٦٣ شخص لحد دلوقتي هناك عشان تنهي قصة من العشوائية والفوضى بدأت بتأجيل القمة بين يوفنتوس وإنتر ميلان وبعدها تأجيل سيمي فاينال الكأس
الناس كانت متوقعة الدنيا تستقر لما الاتحاد الإيطالي أعلن إقامة الماتشات لحد ٣ أبريل من غير جماهير وجابرييلي جرافينا رئيس الاتحاد قال إن الدوري هيقف في حال إصابة أي لاعب بالفيروس
بس الكلام دة معجبش رئيس رابطة اللاعبين الإيطاليين داميانو توماسي اللي فضل يطالب بإيقاف الدوري وسانده وزير الرياضة وبعض اللاعبين زي بالوتيللي اللي كتب رسالة مؤثرة عن خوفه من الاختلاط بأمه وأنه مبقاش يشوف أولاده عشان اتحاد الكرة في إيطاليا يفضل يكسب فلوس من استمرار الدوري
وبعدها اتسببت توصية جديدة من فينتشنزو سبادافورا وزير الرياضة بإيقاف الدوري في حالة فوضى قبل دقيقة واحدة من إنطلاق ماتش بارما وسبال لدرجة إن اللاعيبة رجعوا من ممر الملعب لأوض اللبس في انتظار القرار النهائي بس رفض الاتحاد الإيطالي التوصية واتلعبت الماتشات امبارح بشكل عادي من غير جمهور ومنهم قمة يوفنتوس وإنتر
في نفس اليوم تم إعلان إصابة أليساندرو فافالي مدافع ريجيانا اللي بيلعب في دوري الدرجة الثالثة بالفيروس وأعلن فريق برو فيرتشيلي اللي برضه بيلعب في دوري الدرجة الثالثة وقف تدريباته والمشاركة في الماتشات حتى لو دة كلفه تحمل نتايج الانسحاب
وانسحب إنتر ميلان من دوري أبطال أوروبا للشباب
وطالب فيليبو إنزاجي اللي دلوقتي بيدرب فريق بينفينتو متصدر دوري الدرجة الثانية بفارق ٢٠ نقطة يعني ضمن الصعود بإيقاف المسابقات رغم أن فريقه كسب امبارح ٤-. عشان شاف أن اللاعيبة تستحق تحتفل بالصعود مع جمهور ودة طبعا مش هيحصل
والنهاردة أخيرا صًدق رئيس الوزراء الإيطالي جوسيبي كونتي على طلب اللجنة الأولمبية الإيطالية بإيقاف جميع الأنشطة الرياضية بسبب تفشي فيروس كورونا وفرض حظر التجول في جميع أنحاء البلاد
الناس كانت متوقعة الدنيا تستقر لما الاتحاد الإيطالي أعلن إقامة الماتشات لحد ٣ أبريل من غير جماهير وجابرييلي جرافينا رئيس الاتحاد قال إن الدوري هيقف في حال إصابة أي لاعب بالفيروس
بس الكلام دة معجبش رئيس رابطة اللاعبين الإيطاليين داميانو توماسي اللي فضل يطالب بإيقاف الدوري وسانده وزير الرياضة وبعض اللاعبين زي بالوتيللي اللي كتب رسالة مؤثرة عن خوفه من الاختلاط بأمه وأنه مبقاش يشوف أولاده عشان اتحاد الكرة في إيطاليا يفضل يكسب فلوس من استمرار الدوري
وبعدها اتسببت توصية جديدة من فينتشنزو سبادافورا وزير الرياضة بإيقاف الدوري في حالة فوضى قبل دقيقة واحدة من إنطلاق ماتش بارما وسبال لدرجة إن اللاعيبة رجعوا من ممر الملعب لأوض اللبس في انتظار القرار النهائي بس رفض الاتحاد الإيطالي التوصية واتلعبت الماتشات امبارح بشكل عادي من غير جمهور ومنهم قمة يوفنتوس وإنتر
في نفس اليوم تم إعلان إصابة أليساندرو فافالي مدافع ريجيانا اللي بيلعب في دوري الدرجة الثالثة بالفيروس وأعلن فريق برو فيرتشيلي اللي برضه بيلعب في دوري الدرجة الثالثة وقف تدريباته والمشاركة في الماتشات حتى لو دة كلفه تحمل نتايج الانسحاب
وانسحب إنتر ميلان من دوري أبطال أوروبا للشباب
وطالب فيليبو إنزاجي اللي دلوقتي بيدرب فريق بينفينتو متصدر دوري الدرجة الثانية بفارق ٢٠ نقطة يعني ضمن الصعود بإيقاف المسابقات رغم أن فريقه كسب امبارح ٤-. عشان شاف أن اللاعيبة تستحق تحتفل بالصعود مع جمهور ودة طبعا مش هيحصل
والنهاردة أخيرا صًدق رئيس الوزراء الإيطالي جوسيبي كونتي على طلب اللجنة الأولمبية الإيطالية بإيقاف جميع الأنشطة الرياضية بسبب تفشي فيروس كورونا وفرض حظر التجول في جميع أنحاء البلاد
ليست هناك تعليقات:
إرسال تعليق