الاهلي تعامل باحترافية كبيرة جدا مع حسام عاشور بل واداله فرصة مستقبلية اي شخص يتمناها بانه يطلع من باب الملعب للشغل الاداري او الفني او حتي الاعلامي زي ما يحب ..
وديه فرصة مش لاعيبة كتيرة بتلاقيها .. بس مكانة عاشور مع الاهلي وتاريخه هم اللي خلوا الادارة تفكر في الهدية الكبيرة جدا ديه..
وكمان الله اعلم هتقدر تثبت اجادتك فيهم في قد ايه.. لان بكل تأكيد مش هتوصل للاجادة من اول يوم في اي حاجة فيهم
طبعا حسام عاشور حر تماما يختار امتي ينهي مشواره .. لكن انصحه واقوله .. متضيعش طريق المستقبل وتخسر علاقتك بالنادي والجمهور بسبب امر عاطفي بحت وفي غضون ايام قلبلة...
ففي كل الاحوال .. كل الباقي من المشوار على اقصى تقدير هم سنتين .. والله اعلم هيبقي المستوي فيهم عامل ازاي في اي نادي ممكن تفكر تروحه... كمان وضعا في الاعتبار انك هاف دفندر .. فالاختبارات الصعبة اكتر بكتير من السهلة..
ولما السنتين هيخلصوا بقي .. هتلاقي ان تفكيرك اتغير .. وهتبدا تسال نفسك .. اي الخطوة الجاية ليا؟.. وهتلاقي الاجابة محصورة في ٣ امور .. اما الجانب الاداري .. او الفني.. او الاعلامي.. وسعتها هتقول بيتي الاهلي وجمهوره اولى بيا ..
وعشان كدة .. كل كلمة وكل تصرف النهاردة.. حاسب علي تمنهم .. عشان بعد كدة ..
واقول كلمة حق .. فايلر في تقيمه الفني حاليا.. مظلمكش ولا ابخس حقك.. وبص علي اخر سنوات تشافي مع برشلونة .. وتوتي مع روما.. سنة حياة كرة القدم .. على الجميع
ليست هناك تعليقات:
إرسال تعليق