في الوقت اللي اتحاد الكرة بيسمح بقيد لاعبين لنادي الزمالك رغم وجود مديونية على النادي بالمخالفة للوائح اتحاد الكرة في الوقت اللي السنة اللي فاتت الأهلي مقدرش يقيد كهربا غير بشرط دفع كل مديونيته . وفي الوقت اللي بيتم الاجتماع بلاعبين من الزمالك عشان يتقالهم النادي مستقر ومحدش يقلق وبيتم رفع اي تحفظ على ارصدة نادي الزمالك في اقل من ٢٤ ساعة . بيخرج شخص كوميدي عشان يقول ان اللي بيحققه الأهلي هو نتائج كانت مقدماتها هي دعم الدولة للأهلي ! . طيب يا اخي حاول تستخبى اليومين دول حاول تكذب وتقول مغالطاتك في وقت مناسب حاول تختار الظرف اللي تمرر بيه نظرية المؤامرة بتاعتك. بس انا عايز اقولك ان على الجانب الاخر من المشهد انت شخص مفيد جدا للأهلي ومضر جدا لناديك لأنك ببساطة زي اللي بيساعد انسان على الانتحار وفاكر انه بينقذه انت بتقتل الدافع والأمل والرغبة عند فريقك وبتوصله لحالة يأس بتزرعها في عقله الباطن . وبتوصله لقناعة ان الظروف اللي حواليه اكبر من قدرته على التغيير فبالتالي بتخلق له شماعة تبرير الفشل وده مكتسب مهم من كلامك. على الجانب الأخر في جمهور ناديه اخر سنتين تعرض لأشرس حرب في تاريخه ضد حجم نفوذ واموال مرعبين واستباحة الأهلي ورموزه ومنظومته اعلاميا كل يوم بحجم اساءة ليهم غير مسبوق تاريخيًا وبيخالف كل قانون او معايير ومع ذلك انهاردة الاهلي بينهي المشهد وهو بطل للثلاثية وبرونزية كأس العالم للأندية عارف ليه لان ثقافة جمهور الأهلي هي النقيض التام لثقافتك ثقافة جمهور الأهلي هي عدم الاستسلام والايمان بالهدف والفرصة مهما كانت الظروف المحيطة وعدم اليأس. وعشان كده كلامكم عمره ما هيغير التاريخ بس وانتم مش حاسين بيساعدنا اكتر في كتابة تاريخ اكبر
ليست هناك تعليقات:
إرسال تعليق