فى البدايه هذا المقال ليس دفاعا عن أحد ولكن لتناول قضيه مثارة الآن --
عندما قرآت خبر تحويل معلمة المنصورة للنيابة و فصلها من العمل وذلك بسبب كونهاقامت بالرقص فى رحلة بعيدآ عن المدرسة ، تذكرت أفيه اللمبى عندما قال و انت بتعاقبهم علشان هربوا و لا علشان فشلوا
نفس التساؤل : انت بتعاقبها علشان الرقص و لا علشان مدرسة بترقص
فى البداية اننا راجل مجتمع شرقى و قد تربينا على احترام العادات و التقاليد و أن إحتشام المرآة و وقارها هو مبدأ لا يمكن التنازل عنه ، علشان محدش يتهمنى بالانحياز ليها
ولكن لا يزال السؤال قائم : انتم بتعاقبوها ليه ؟؟
علشان الرقص عيب مثلا ! يا سلام؟
أكيد مش دا السبب لأنة سبق وقد تم تكريم راقصة ومنحا الآم المثالية ، و جامعة عين شمس كرمت العديد من الفنانات أصحاب التاريخ المعروف فى المياعة و الخلاعة ،،، ونضيف إلى ذلك بعض المذيعات والاعلاميات بقوا لابسين من غير هدوم -
ونقول كمان و بالنسبة للسيدات اللى كانت بترقص فى الانتخابات من 2011 حتى الآن جوه المدارس و أصبحت صورة مرتبطة بالانتخابات ،،، دى ظروفها معاكم ايه ،،، مانتوا كنتوا بتقولوا الناس فرحانة ، و لا فرحانة دى مخاصمة الرحلة بتاعة المدرسة
يمكن بيعاقبوها علشان هيبة المعلم ، ماهى دى مهنة سامية و ليها هيبتها !
و يا ترى سامية و هيبتها ما اتحركوش لما مدير مدرسة بيبيع فول على عجلة علشان مش لاقى يصرف على اولاده
يا ترى سامية و هيبتها ما اتحركوش لما كان مدرس بيشتغل عامل نضافة فى كافتيريا
يا ترى سامية و هيبتها ما اتحركوش لما اغلب المدرسين بقوا صنايعية و عمال علشان مش لاقيين ياكلوا
يا ترى سامية و هيبتها ما اتحركوش لما مدير مدرسة و لا مدرس بيضرب و يطحن و يتهان و يتشتم بابشع الالفاظ من ولى امر و لا طالب عنده
عندما يتم تحقيق هيبة المدرس بالفعل ابقوا اعدموا المدرسة دى مش تحولوها نيابة و بس ولكن حتى يتم ذلك
لا تدعوا الفضيلة
ليست هناك تعليقات:
إرسال تعليق