كتب / عبد الحليم محمد
نعى الفنان حسن عبد الله النجم هشام سليم على صفحاته الشخصية الفيس بوك وانستجرام وتويتر بنشر صورة تجمعهم قائلا
بصور فى مسلسل كلمة سر وعندى اوردر وكنت تايهه فى الدقى مش عارف مكان التصوير فين وقبلته فى الشارع بيتمشى وهو اللى جانبي من كتفى قالى وهو مبتسم كالعادة رايح فين انت تايهه ؟ قولتله استاذ هشام انا مش عارف اوصل للفيلا قالى تعالى انا رايح لهم اندهشت أنه بيتمشى وفى الدقى سألته ورده كان مهم جدا قالى انا متربى هنا وبعدين افضل حاجة انك متبعدش عن الناس اوى واهو احنا ماشيين اكتر حاجه هتحصل أن الناس هتسلم عليك وممكن ياخده صورة ودى حاجة حلوة ساعتها لما وصلنا بعد شوية سلامات من الناس اللى باين عليها الاحترام وشوية صور قولتله هستاذنك فى صورة علشان بيقولوا انى شبهك فبص لى وقالى تصدق فى فى شوية شبهه يلا بينا نتصور مع السلامة يا استاذ الله يرحمك ويغفر لك ويسكنك فسيح جناته ويذكر أن الفنان حسن عبد الله شارك الفنان هشام سليم فى مسلسل كلمة سر
ليست هناك تعليقات:
إرسال تعليق