الفنان ياسر أبو شقرة : المطرب علاء عبد الخالق بالنسبه لينا مش مجرد فنان جميل .. ده كل ذكريات جيلنا
كتب / عبد الحليم محمد
بمجرد علمه بوفاة المطرب الجميل علاء عبد الخالق وقف الفنان المبدع والإعلامى القدير الأستاذ ياسر صبحى أبو شقرة ليروى لنا ذكرياته مع المطرب الكبير وسط تساقط الدموع من عينيه ليقول : المطرب علاء عبد الخالق
بالنسبه لينا مش مجرد فنان جميل ..
ده كل ذكريات جيلنا متقسمه بينه وبين حميد الشاعرى وفارس وهشام عباس وايهاب توفيق ومصطفى قمر وحنان
الناس دى خدت اكبر جزء من ذكرياتنا وفرحتنا وضحكنا ورقصنا وحزننا وحبنا وافراحنا
احنا جيل مرتبط اوى بالناس دى مش مجرد فنانين ومعظم جيلي هيفهم كلامى
لما شوفت علاء فى فرح بنته غصب عنى دموعى نزلت وقعدت كتير حزينه ومتنكده وعلى طول لقيتنى بروح اشغل فيديوهات اغانيه القديمه
طيارة ورق ....مكتوب ....مرسال من جوايا عايزاه يفضل بصورته دى قدام عيني..... يمكن عشان شوفت عمرنا فيه و شوفت ان احنا كبرنا بجد...
بنسمع اى اغنيه لحد فيهم على طول بنلاقى نفسنا بنبتسم عشان افتكرنا ذكريات حلوة
فى اعدادى ولا الثانوى ولا فى الجامعه ولا فى فرح ولا فى سهرة حلوة
واغانى بنرجع نعيط معاها تانى..... نفس الدموع اللى نزلت زمان .....بس بنرجع نبتسم لانها على قد ماكانت حزينه وقتها على قد مادلوقتى شايفنها طفوليه وبريئه
مع كل اغنيه بنرجع سنين لنفس الاماكن اللى كنا فيها......حتى لو مدخلنهوش من سنين كتير وكل اللى كان معاك فيه اتفرقوا
بس هتفضل دى ذكرياتنا وكل عُمرنا...احلى سنين عُمرنا
وانا ع الوعد متصاحب
مع السلامه ياعلاء هتفضل عايش معانا ومشاركنا احلى الذكريات واحلى الايام
ربنا يرحمك ويصبر اهلك واصحابك وحبايبك
ليست هناك تعليقات:
إرسال تعليق