"أحمد أبراهيم"واحد من اشهر الكوميديان والفاشون بلوجر علي مواقع التواصل الأجتماعي،يتميز بخفه دمه وطبيعته عن غيره يبلغ من العمر23عاماً من الجيزة، خريج كليه الحقوق جامعه القاهرة ويتخطي عدد متابعيه علي مواقع التواصل الإجتماعي ( الإنستجرام215 الف متابع)،الفيس بوك(540الف متابع)،اليوتيوب(70الف متابع)،التيك توك(450الف متابع)
1_*بدأت أزاي*؟
صدفة نزلت فيديو على بروفايلى بتكلم على امتحان كان تانى يوم ليا ولقيت صحابى فى الجامعة منزلينة ف عملت فيديو بعد فترة صدفة تانى،مره واحده لقيته جايب ٤٠٠ الف view وبعدها صديق ليا عملي Page بس معملتش اى حاجة تانى بعده لحد شهر ٩ اللى فات ٢٠١٩
وبعديها بفتره نزلت فيديو بعد انفصالى عن اللى كنت مرتبط بيها كنوع من أنواع المضايقة ياعني فعجب الناس اوي واتعمله شير كتير ومن بعدها وانا بصور أي حاجه بتحصل معايا...
2_*اللي حابب يبقي زيك تحب تقولو اي*؟
أنه يكون تلقائي ويصور المواقف اللي بتحصل معاه بكل تلقائية و يكون مش متصنع هيطلع حاجات حلوة..
3_*نفسك توصل لأيه*؟
انى امثل واثبت لنفسى وللناس انى بعرف امثل غير الكوميدي واني عندي موهبه...
4_*مين أكتر حد بيشجعك*؟
والدتي واخويا و3 من أصحابي بمجرد ما كنت بشوفهم بيضحكوا ده كان تشجيع ليا وكانو دايما بيقولولي وشك فيه قبول وهتنجح...
5_*شايف أن أي أكتر حاجه بتميزك عن غيرك في الكوميديا*؟
دي حاجة مقدرش انا اللي اقولها بس كل اللي حوليا بيقولو اني تلقائي وبسيط...
6_*أي أكتر حاجه بتفرحك في شغلك*؟
رد فعل الناس اللى بتبقى زعلانة ولما بتتفرج علي الفيديوهات بتفرح وبتبعت تدعيلي وتشكرني...
7_*حابب تضيف حاجة*؟
اتمنى أن الناس اللى بتابعنى تتعلم منى أو من غيرى من اللى بيقدموا محتوى الحاجات او العادات الكويسة بس لأننا ساعات بنعمل غلطات فمش كل اللى بنشوفه نقلده...
ليست هناك تعليقات:
إرسال تعليق