عن مصر و الحظر.. بالراحة عالغلابة..
الأوساط المتدلعة و المثقفة و المتعلمة الّي احنا منهم، مش مصدقين كمّ الغباء و الجهل و العشوائية الي بيعملوها الشعب، الي همّا مش احنا طبعا. و ازّاي بيخرجوا و بيتحدوا القانون
. و ازّاي هيضيّعونا كلنا. و بيطالبوا الحكومة بالضرب بيد من حديد. حظر التجول فورا. بس المسألة مش بالبساطة دي. عايزك تاخد عربيتك و تتعقم بكل إمكانياتك المالية و الطبية و المعرفية، و تنزل اي منطقة شعبية. مش حتى منطقة عشوائية. هتلاقي اعداد مجنونة عايشة في متر و ربع. و هتلاقي كلمة الحظر معناها بالنسبة لهم انهم برضه هيبقوا لازقين في بعض، و يمكن اكتر من ايّام الشغل العادي. مش بس كده. فيه مئات الآلاف مشاكلهم اكبر بكتير من الفيروس. شغلهم باليومية و مكان عملها الميادين و الشوارع، بيستنّوا الفرج مع اي عربية معديّة تاخذهم مقاولة يوم. عشان كده في اعتقادي الدولة مش قادرة تعمل حظر كامل. الموضوع محتاج اليات معقدة و منظومة لوجيستية و تكنولوجية رهيبة عشان تقدر تقعّد شعب بحاله في بيته مدة طويلة. عشان توريد و غذاء و عمل عن بعد و صحة و تعليم. عشان كده ارجوكم بلاش الحماس و الاندفاع و الهجوم و التصنيف على الغلابة. الّي منهم كتير دلوقتي كمان بقوا في الشارع بسبب اسبوعين قلق. و بسبب فيروس المعالم بتاعته و خطورته الحقيقية سياسية و اقتصادية اكتر منها صحية. ربنا يرحم الجميع.. و بالراحة على الغلابة.. و ربنا يوفق الناس الكتير المحترمين الّي شغالين ليل نهار عشان يخلقوا فرص عمل و حياة للغلابة دول..
#خالد_حبيب_تفاءل
الأوساط المتدلعة و المثقفة و المتعلمة الّي احنا منهم، مش مصدقين كمّ الغباء و الجهل و العشوائية الي بيعملوها الشعب، الي همّا مش احنا طبعا. و ازّاي بيخرجوا و بيتحدوا القانون
#خالد_حبيب_تفاءل
ليست هناك تعليقات:
إرسال تعليق